Innlestur frá færsluhirði

Markmiðið með þessari vinnslu er að gera notendum betur kleift að stemma sig af við færsluhirðinn sinn. Vinnslan sækir yfir Internetið allar kortafærslur ákveðins tímabils og færir í dagbók ásamt frádregnum gjöldum og posaleigu. Fara skal í Fjárhagur/Dagbækur og smella á Bæta við dagbók. Stofna þarf dagbók fyrir hvert samningsnúmer sem sækja þarf færslur fyrir, og tilgreina færsluhirðinn með því að setja nafnið á honum í reitinn merktan “Dagbók”. T.d. ef sækja skal frá Rapyd er nóg að setja rapyd eða valitor í dagbókarreitinn en ef sækja skal frá Teya þarf að setja teya eða saltpay. Það er líka hægt að sækja frá Straumi en þá þarf að setja straumur í dagbókarreitinn.

Í reitinn “Heiti” skal setja eitthvað lýsandi heiti fyrir dagbókina. Þegar svo kemur að því að sækja færslur þarf að byrja á því að smella á dagbókina sem færslurnar eiga að fara í til að velja hana og smella á hnappinn “Sækja uppgjör færsluhirðis”.

Þá birtist þessi skjámynd þar sem beðið er um forsendur

Hér þarf að fylla inn í eftirfarandi svæði:

MerchantID	Samningsnúmer aðila hjá færsluhirðinum.
CreditcardClaims	Bókhaldslykill fyrir greiðslukortakröfur.
CreditcardFees	Bókhaldslykill fyrir þjónustugjöld.
DeviceRent	Posaleiga, hér þarf að skrá nr. lánardrottins fyrir færsluhirðinn.
Bankareikningur	Bókhaldslykill fyrir bankareikning sem færsluhirðir leggur inn prening
AllTrans	Ef hak er sett hér sækir vinnslan heimildanúmerin
AlreadyBooked	Ef sett er hak við þetta þá er ekki athugað hvort uppgjörið sé þegar bókað. Hætta er á tvíbókun sé haft hak hér.
Frá dagsetningu	Sóttar eru færslur frá þessari dagsetningu til dagsins í dag.
Notandanafn	Aðgangsheiti sem var fenginn frá færsluhirði.
Lykilorð	Aðgangsorð sem var fengið frá færsluhirði.

Þegar lokið hefur verið við að slá inn forsendurnar skal smella á hnappinn “Flytja inn” sem er upp í tækjaslánni. Uppgjörsnúmerið frá færsluhirðinum skráist í reitinn fyrir Tilvísun og vinnslan athugar hvort búið sé að bóka uppgjör með sama númeri og ef svo er þá er uppgjörið ekki lesið inn í dagbókina nema hak sé sett í AlreadyBooked. Ef engar færslur koma frá færsluhirðinum og allar forsendur eru réttar, er hugsanlegt að búið sé að lesa inn og bóka uppgjörið. Til að fá aðgang hjá færsluhirði TEYA - Senda tölvupóst á hjalp@teya.com frá netfangi sem var notað við stofnun viðskiptasamnings við Teya. Þjónustufulltrúar Teya munu þá stofna vefþjónustuaðgang og senda aðgangsupplýsingar til baka. RAPYD - Hjá Rapyd heitir þessi aðgangur kerfisaðgangur og til að fá hann þarf að senda tölvupóst á hallo@rapyd.net og tilgreina nafn og kennitölu ásamt samningsnúmeri. STRAUMUR - Hjá Straumi þarf að senda tölvupóst á straumur@straumur.is og biðja um s.k. Partner API access. Athugasemdir Vinnslan notar skráasnið banka í Uniconta til að geyma ýmsar forsendur eins og notandanafn, lykilorð, samningsnúmer o.fl. Þannig að ef verið er að flytja inn færslur frá banka þá getur birst rangt skráarsnið banka merkt færsluhirði í flutningsforsendum, sé svo þarf að passa að velja rétt skráasnið fyrir flutning frá banka.