Skjámyndum í Uniconta má breyta á marga vegu. Hér er farið yfir nokkra af möguleikunum.
Snið eftir uppfærslu. Lestu meira hér (á dönsku).
Hægt er að taka af notanda réttinn til að vista snið undir Fyrirtæki/Aðgangsstjórnun/Stjórna notendum/Valmynd.
Myndbönd um snið
Eftirfarandi myndbönd fjalla um snið (á dönsku):
Röð reita
Í nær öllum skjámyndum er hægt að bæta við og fjarlægja reiti. Það er gert undir „Snið“ í tækjaslánni eða með því að hægrismella á fyrirsögn dálks.
Einnig er hægt að breyta röð reita á t.d. spjaldi viðskiptavinar og vöruspjaldi (þ.e. skjámyndum sem sýna aðeins upplýsingar um einn viðskiptavin, eina vöru o.s.frv.).
Þar er röðinni breytt með því að velja hnappinn Snið/Breyta.
Veldu reit eða kassa sem þú vilt færa og dragðu hann þangað sem þú vilt hafa hann.
Mundu að velja hnappinn Snið/Vista snið til að vista breytinguna þegar skjámyndin er eins og þú vilt.
ATH! Gott er að flytja sniðið sitt út fyrir uppfærslu á Uniconta til að tryggja að það haldist.
Bæta við reit
Reitum sem þú hefur áður fjarlægt og/eða reitum sem ekki eru sýndir sjálfgefið má bæta við skjámyndirnar með því að velja hnappinn Snið/Breyta eða flýtileiðina Alt+F. Í reitalistanum er reitur valinn, eða þá að reiturinn er „dreginn“ með músinni upp í línuna með dálkafyrirsögnunum og settur þar sem hann á að vera.
Fela allt nema þetta
Ef fela á alla reiti í listanum hér að ofan nema einn má velja aðgerðina „Fela allt nema þetta“.
Sýna allt
Ef sýna á alla reiti í listanum hér að ofan má velja aðgerðina „Sýna allt“. Til að fá sjálfgefið snið síðunnar aftur þarf að loka skjámyndinni og opna hana aftur.
Tengdir reitir
Ef þú vilt reiti úr öðrum tengdum töflum getur þú valið hnappinn Snið/Tengdir reitir, eða hægrismellt á dálkafyrirsögn og valið Tengdir reitir.
Með Tengdum reitum má birta reiti úr öðrum tengdum skrám í reitalistanum. Smelltu á örina við heiti skrárinnar sem þú vilt sækja reit úr. Allir reitir sem í boði eru birtast þá undir heiti skrárinnar og þú getur valið þá reiti sem þú vilt sjá í skjámyndinni. Þegar reitirnir hafa verið valdir velur þú hnappinn með örinni í miðri skjámyndinni og þá færast reitirnir yfir í hægri hluta hennar. Veldu hnappinn Ljúka og reitunum hefur verið bætt við skjámyndina.
ATH! Ekki er hægt að skrá gögn í slíkan reit. Gildin í reitunum eru aðeins til upplýsinga og síunar, svo sjá megi hvað valið hefur verið í reitnum í viðkomandi skrá.
Hér fyrir neðan er dæmi þar sem reitirnir með stöðu viðskiptavinar í krónum, stöðu í gjaldmiðli og gjaldmiðilskóða eru sýndir í skjámyndinni með færslum viðskiptavina.
Einnig má bæta tengdum reitum við fellilista með því að hægrismella á dálkafyrirsögnina og velja 'Tengdir reitir'. ATH! Haka þarf í dálkinn 'Finna færslu' (undir 'Tengdir reitir' - TableValue) til að hægt sé að leita í reitnum.
Mínir reitir í Mínum töflum sem vísa í tengdar töflur
Uniconta getur ekki sjálfgefið sótt innihald Minna reita í Mínum töflum sem vísa í tengdar töflur.
Dæmi
Tafla "Fasteignir"
Reitur "Heiti fasteignar"
Taflan "DebtorOrder" hefur eigin reit sem heitir "Fasteign"
Reiturinn Fasteign er fylltur út á DebtorOrder og færist yfir á "DebtorInvoice"
"DebtorInvoice" sést í "Birgðafærslum" undir Viðskiptavinur/Skýrslur/Birgðafærslur.
Vegna uppbyggingarinnar eru gögn í reitnum "Fasteign" sótt þegar skjámyndin er opnuð.
Ef sækja á gögn í þennan reit þarf því að vera vistað snið þar sem reiturinn "Fasteign" er í sniðinu.
Ef óskað er eftir lengra dagsetningabili en sjálfgefið er má stilla það undir „Sía“ í tækjaslánni.
Þriggja ára breytilega síu má t.d. setja svona upp.
Fjarlægja reit
Smelltu á reitinn í dálkafyrirsögninni og „dragðu“ hann út úr skjámyndinni með músinni. Reiturinn fer þá í reitalistann og alltaf er hægt að setja hann inn aftur.
Breidd dálka
Hægt er að stilla breidd dálka, ýmist sjálfkrafa eða handvirkt.
Laga dálka sjálfkrafa
Veldu sjálfvirka aðlögun til að stilla virka dálkinn. Hluti fyrirsagnar og innihalds getur falist við þessa aðgerð.
Ef „Laga dálka sjálfkrafa“ er valið eru allir dálkar stilltir í einu. Hluti fyrirsagna og innihalds getur falist við þessa aðgerð.
![]()
Breidd reits stillt handvirkt
Breiddin er stillt handvirkt með músinni með því að draga í brún reitsins í fyrirsögninni.
Birta samtölur / millisamtölur
Undir öllum dálkum í yfirlitsskjámynd má birta samtölur. Hægrismelltu á einhverja fyrirsögn í skjámyndinni og veldu Birta samtölur.
![]()
Ef samtala birtist ekki sjálfkrafa neðst í dálkinum getur þú hægrismellt í samtölusvæði viðkomandi dálks og valið hvort þú vilt sjá samtölu, meðaltal o.fl.
Í kaflanum „Flokka eftir“ hér fyrir neðan sérðu hvernig samtölur eru settar á flokkaðar línur.
Snið samtalna
Hægt er að breyta sniði samtalna með því að hægrismella á samtölureitinn og velja Sérsníða...
Veldu flipann Röðun:
Veldu sniðið sem þú vilt í reitnum Birtingarsnið texta.
Texta á undan má breyta eða eyða í reitnum Forskeyti
Texta á eftir má breyta eða eyða í reitnum Viðskeyti
Vista snið, sækja snið og sýna sjálfgefið snið
Ef þú vilt halda nýju „hönnuninni“, þ.e. breytingunum sem þú hefur gert, þarftu að muna að velja hnappinn Snið og Vista snið.
Sjáðu stutt MYNDBAND (á dönsku) um hvernig snið er vistað og vistað snið sótt í Uniconta.
Ef þú vilt að sniðið verði sjálfgefið snið þitt velur þú Vista snið og síðan Já til að vista það sem sjálfgefið notandasnið þitt í þessari skjámynd.
Ef þú vilt halda núverandi sjálfgefnu sniði og vista nýja sniðið undir nýju heiti velur þú Vista snið og Vista undir nýju heiti.
Sláðu inn heiti í reitinn sem sýndur er á skjámyndinni hér fyrir neðan.
ATH! Aðeins eigandi fyrirtækisins og þjónustuaðilar geta deilt sniðinu með „Öllum notendum“ fyrirtækisins.
Þú getur sótt annað vistað snið með hnappnum Snið/Hlaða vistuðu sniði og núllstillt eða eytt sniði með hnappnum Snið/Sýna sjálfgefið. Lestu meira um hvernig snið er eytt hér (á dönsku).
Sama snið og samstarfsmaður
Ef þú vilt nota sama snið og samstarfsmaður þinn eru eftirfarandi möguleikar:
- Ef samstarfsmaðurinn er skráður eigandi fyrirtækisins í Uniconta getur hann búið til snið í skjámynd og hakað í reitinn Allir notendur þegar sniðið er vistað (sjá skjámynd hér að ofan).
Þegar þú skráir þig næst inn í Uniconta og opnar skjámyndina sem samstarfsmaðurinn útbjó hefur þú „erft“ snið hennar.
Ef þú erfir það ekki er það annaðhvort vegna þess að samstarfsmaðurinn er ekki eigandi fyrirtækisins og/eða þú hefur þegar búið til eigið snið í viðkomandi skjámynd. Prófaðu þá að eyða sniðinu þínu, loka skjámyndinni og opna hana aftur og athuga hvort þú hafir þá erft snið samstarfsmannsins. - Samstarfsmaðurinn getur í skjámynd valið hnappinn Snið/Flytja út snið og vistað sniðið. Hann lætur þig síðan fá skrána með vistaða sniðinu. Þú opnar sömu skjámynd hjá þér, velur hnappinn Snið/Flytja inn snið og bendir á skrána sem þú fékkst.
- Fáðu samstarfsmanninn til að vista breytingar á sniði í öllum skjámyndum þar sem óskað er eftir sérstökum stillingum. Fáðu um leið notandanafn hans í Uniconta, þ.e. notandanafnið sem hann skráir sig inn með.
Þú skráir þig síðan inn í Uniconta með þínu eigin notandanafni, velur táknið með litla manninum efst til hægri og velur Mínar stillingar. Þar velur þú hnappinn Afrita stillingar annars notanda og slærð inn notandanafn samstarfsmannsins.
Þá erfir þú sjálfkrafa snið samstarfsmannsins í öllum skjámyndum.
ATH! Þessi leið hentar best nýjum starfsmönnum sem eru ekki þegar með eigin snið, því eigin snið verða yfirskrifuð með sniði samstarfsmannsins.
Áttu í vandræðum með snið?
Reitur finnst ekki þegar Snið/Breyta er valið
Stundum finnast reitir ekki undir Breyta. Það getur verið vegna þess að vistað var snið áður en nýjum reit var bætt við gagnagrunn Uniconta.
Nýir reitir bætast ekki sjálfkrafa við vistað snið og því þarf að núllstilla sniðið með því að smella á 'Eyða sniði' undir 'Snið'.
Síðan þarf að loka síðunni og opna hana aftur. Sjálfgefið snið Uniconta birtist þá og þar er nýi reiturinn með.
Lestu meira um hvernig snið er eytt hér (á dönsku).
Í sjálfgefna sniðinu er allt með og því virkar það þegar ekkert snið hefur verið vistað. Vistað snið er hins vegar upprunalega sniðið sem notandinn vistaði.
Ekki er hægt að skrá eða velja gildi í reit í skjámynd.
Það getur stafað af skemmdu sniði. Mælt er með því að eyða sniðinu og athuga hvort það virki í sjálfgefna sniðinu. Ef svo er skaltu laga sjálfgefna sniðið þar til það er aftur eins og þú vilt.
Staðsetning og stærð skjámynda
Í Uniconta má ákveða hvernig tiltekinn gluggi er sýndur og staðsettur þegar hann opnast. Veldu hnappinn Snið/Stillingar glugga:
Valkostir:
- Festing/Staða: Næsti flipi sýnir gluggann sem venjulegan flipa efst.
- Festing/Staða: Vinstri, Hægri, Efst eða Neðst sýnir gluggann sem hálfa skjámynd þar sem staðan er valin.
- Sprettigluggi: Glugginn birtist „inni“ í Uniconta-glugganum sem hann var opnaður úr.
Reitirnir í hlutanum Stærð ákveða breidd og hæð gluggans.
Sjálfgefið birtist sprettigluggi neðst í hægra horninu svo hann skyggi ekki á mikilvægari gögn „inni“ í Uniconta-glugganum. - Ytri gluggi: Glugginn birtist „utan“ Uniconta-gluggans.
Reitirnir í hlutanum Stærð ákveða breidd og hæð gluggans.
Sjálfgefið birtist ytri gluggi neðst í hægra horninu svo hann skyggi ekki á mikilvægari gögn „inni“ í Uniconta-glugganum.
Staðsetning og stærð mælaborða í Windows-útgáfunni
Nánast sömu aðgerð og hér að ofan má nota í mælaborðum. Ef smellt er á „lykilinn“ birtast sömu möguleikar á staðsetningu.
ATH: Athugaðu að stillingin hér fyrir neðan gildir fyrir öll mælaborð hjá öllum notendum.
Festa (frysta) einn eða fleiri dálka
Hægrismelltu á dálkafyrirsögnina og veldu Fastur dálkur:
![]()
Hægt er að festa dálka hægra eða vinstra megin á skjánum. Festa þarf eða losa einn dálk í einu.
Flokka eftir (millisamtölur)
Ef hægrismellt er á dálkafyrirsögn og valið Flokka eftir má draga reiti upp í stikuna sem birtist fyrir ofan fyrirsagnir reitanna, eins og sýnt er hér fyrir neðan með reitunum Fylgiskjal og Lykill. Gögnin flokkast þá eftir fylgiskjalsnúmeri og síðan eftir lykilnúmeri:
![]()
Ef óskað er eftir samtölum á flokkuðum línum má hægrismella á flokkaða reitinn, í þessu tilviki reitinn Fylgiskjal, velja „Group Summary Editor“ og velja þá reiti/dálka sem leggja á saman.
Sía á gögn í reit
Ef þú ert t.d. í færsluskjámynd og vilt aðeins sjá færslur með ákveðinni dagsetningu getur þú hægrismellt í dagsetningarreitinn á færslu með þeirri dagsetningu og valið Sía, þá er síað á nákvæmlega þá dagsetningu.
Fjölsía með litlu trektinni
Hægt er að smella á litla trektartáknið í fyrirsögn hvers reits. Þá má sía á mörg gildi í sama reit:
![]()
Sýna „Síur í dálkum“
Einnig má hægrismella á einhverja dálkafyrirsögn í skjámyndinni og velja Síur í dálkum, þá er hægt að slá inn síugildi fyrir marga dálka í sömu skjámynd:
![]()
Ef t.d. „Inniheldur“ er valið má skrifa hluta þess texta sem sían á að innihalda. Ef t.d. skrifað er „eikn“ finnast að minnsta kosti allir staðir þar sem stendur „reikningur“.
Hægt er að stilla „Síur í dálkum“ sem sjálfgefið í stillingum notandans. Lestu meira hér.
Lita gildi (skilyrt snið)
Hægrismelltu á dálkafyrirsögnina og veldu Snið:
Hér má velja hvort línur skjámyndarinnar eigi að birtast með mismunandi sniði, t.d. litum eftir gildum í tilteknum reit.
Hér er dæmi um upphæðir hærri en 800 kr.:
Ef hakað er í [Nota snið á alla línuna] er öll línan „lituð“, annars aðeins reiturinn sem skilyrðið á við.
Niðurstaðan lítur svona út:
Fara í aðaltöflu
Í nær öllum reitum sem tengjast annarri töflu má fara í aðaltöfluna með F6. Það þýðir t.d. að ef reiturinn Lykill er valinn í færslulista má fara þaðan í bókhaldslykilinn með F6.
Úthluta nýju gildi
Breyta gögnum á mörgum færslum í einu
Hægrismelltu í dálkinn þar sem breyta á gögnunum og veldu Úthluta nýju gildi.
ATH! Þessi aðgerð virkar aðeins á dálkum sem má breyta í viðkomandi skjámynd.
ATH! Í flestum skjámyndum þarf fyrst að velja flipann Breyta öllum áður en hægt er að velja Úthluta nýju gildi.
Lestu meira um aðgerðina í þessari grein: 'Breyta öllum'.
![]()
Ef hakað er í Script og „C#“ má skrifa C#-kóða í gildi reitsins.
Mundu að föll í C# gera greinarmun á hástöfum og lágstöfum.
Dæmi
Setja 0 fyrir framan vörunúmer
"0""+rec.Item+""
Námunda að tveimur aukastöfum
Math.Round(rec.SalesPrice1,2)
Reikna söluverð 1 á vörum sem kostnaðarverð * 1,5
Rec.CostPrice*1,5
Fjarlægja fyrsta stafinn í texta (hér starfsmannanúmer)
rec.Number.Substring(1)
Setja tölu fyrir framan fyrsta staf í texta (hér starfsmannanúmer)
3 + rec.Number
Afrita gildi úr einum reit í annan. Hér úr „Netfang tengiliðar“ í „Netfang fyrir reikninga“ hjá viðskiptavini
Afrita línu/reit
Með hægri músarhnappi má velja „Afrita færslu“ eða „Afrita reit í klemmuspjald“ og setja síðan gildin úr valinni línu eða reit inn annars staðar.
Lágmarka borða
Með því að hægrismella á borðann má lágmarka hann á meðan Uniconta er opið. Við endurræsingu þarf að lágmarka borðann aftur ef óskað er.